Taulant Pasho, djali i çiftit shqiptar të zhdukur në 2015, eshtrat e të cilëve u gjetën në valixhe në Firence, është gjallë dhe po mbahet në një burg në Zvicër. Në këtë përfundim ka arritur policia italiane, e cila nisi kërkimet menjëherë pas zbulimit të asaj çka ka mbetur nga trupat e çiftit nga Vlora.
Taulant Pasho rezultonte në kërkim. Ai ishte arratisur nga arresti shtëpiak në Firence në 2016. Prokuroria e Firences ka ndërmarrë hapa për të shpallur në kërkim ndërkombëtar Pashon, i cili në Itali duhet të vuajë 3 vjet e 11 muaj burg për përfshirje në trafikun e drogës. Sipas asaj që kanë zbuluar autoritetet italiane, Taulant Pasho ka qenë në burg në kantonin e Aargau-t që nga 16 tetori 2020 për krimin e vjedhjes.
Taulant Pasho ka qëndruar në arrest shtëpie në apartamentin e tij në Via del Pantano deri në nëntor 2016, kur u arratis.
Mbetjet e trupave të dy prindërve të tij u gjetën në katër valixhe në Firence ditët e fundit. Shtëpia ku ka jetuar Taulanti, e cila ka një garazh, është banuar pas largimit të tij nga e dashura e tij dhe me kalimin e kohës ajo i është nënshtruar kontrolleve dhe inspektimeve. Në veçanti, në qershor 2016, karabinierët kishin gjetur gjashtë kilogramë marijuanë në garazh, pasi kishin kontrolluar pronën. Kështu ishte që Pasho Taulant u arrestua për posedim lënde narkotike me qëllim shitjen e saj.
Sidoqoftë, karabinierët shpjegojnë se, asnjë gjurmë e kufomave të dekompozuara nuk është gjetur në shtëpi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
