Reagimi i Metës, Sejamini: Nëse të gjitha problemet i ka arsyetuar në atë mënyrë, lë për të dëshiruar

Analisti Neritan Sejamini i ftuar në emisionin “Të Paekspozuarit” në MCN u shpreh se deklarata e Ilir Metës në rrjetet sociale ndërsa ndodhet në paraburgim nuk është i denjë për dikë që ka mbajtur poste të rëndësishme.

Sipas tij Meta duhet të kishte një mënyrë tjetër të shkruari për të fituar simpatinë e publikut.

“Do doja që komunikimin e tij me njerëzit ta kishte ndryshe dhe të flasë me reflektim për ata. Ai ishte një mesazh i rëndomtë që çdokush shkruan ashtu. Nëse do të fitojë simpatinë e publikut të shkruajë ndryshe dhe nëse të gjitha problemet i ka arsyetuar me këtë lloj mënyrë lë shumë për të dëshiruar.”