Liderët e partive të Unionit CDU/CSU Angela Merkel dhe Horst Seehofer si dhe ai i socialdemokratëve, Martin Schulz, kanë arritur marrëveshje gjatë një takimi maraton prej 24 orësh, që të vazhdojnë me koalicionin e madh në Gjermani. Përfaqësuesit e partive kanë hartuar një dokument prej 28 faqesh, i cili është dakordësuar gjatë këtyre bisedimeve në nivelin më të lartë.
Gjatë bisedimeve ka pasur mosmarrëveshje dhe tendosje për shumë çështje: refugjatët, ekonominë, financat… por thuhet se ato janë harmonizuar.
Por sipas "euobserver", sa i perket BE, marreveshja synon te nxise projektet franko-gjermane per drejtimin e politikave te BE dhe integrimit duke mirepritur idete reformuese te Emmanuel Macron.
"Rinovimi i BE-së do të ketë sukses vetëm nëse Gjermania dhe Franca të punojnë së bashku me të gjithë fuqinë e tyre. Kjo është arsyeja pse ne duam të forcojmë më tej dhe të rinisë bashkëpunimin gjermano-francez," thuhet në dikumentin 28 faqesh që kanë ranë dakord pas 24 orë bisedimesh tre liderët e kualicionit.
Zgjedhjet aktuale ishte në shtator, ndërsa një koalicion fillestar mundshëm të konservatorët, liberalët dhe të gjelbërve nuk u arrit gjatë bisedimeve të vitit të kaluar.
Ndërsa marrëveshja mbetet ende e pa zbardhur në detaje, dhe është e qartë se Gjermania nuk është e gatshme të liroj kontrollin e saj mbi politikat e kujdesshme fiskale të kontinentit, shkruan "euobserver".
Ajo zotohet të mbështesë forcimin e eurozonës duke mbështetur idenë e një të ardhme të "buxhetit të investimeve" për bllokun e vetm të monedhës.
Kjo nuk përkrah buxhetin e propozuar nga Macron për eurozonën, por mbështet burimet e veçanta buxhetore për stabilizimin ekonomik, konvergjencën sociale dhe për reformat strukturore në eurozonë. Kjo mund të jetë pika fillestare për "buxhetin e investimeve".
Të tri partitë gjermane gjithashtu mbështesin kthimin e fondit emergjent të eurozonës, Mekanizmin Evropian të Stabilitetit (ESM) në një Fond Monetar Evropian të plotë nën kontrollin parlamentar dhe të ankoruar në ligjin e BE. Kjo do ta kthente fondin në një institucion evropian sesa një organ ndërqeveritar.
"Në këtë frymë, dhe veçanërisht në partneritet të ngushtë me Francën, ne duam të forcojmë dhe reformojmë në mënyrë të qëndrueshme eurozonën në mënyrë që euro të përballojë më mirë krizat globale", thuhet në marrëveshje.
.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
