Dyshimi për abuzime me tenderat ka çuar në pranga katër ish-zyrtarë të Ministrisë së Drejtësisë. Të arrestuarit janë ish-sekretarja e Përgjithshme e Ministrisë së Drejtësisë, Juliana Hoxha, ish-drejtori i Shërbimeve Mbështetëse, Aurel Lamçe dhe dy ish-shefat e IT-së, Lysien Ali dhe Arlind Alikaj.
Arrestimi i ka ardhur pas një hetimit të Prokurorisë së Tiranës lidhur me procedurat e tenderimit në këtë institucion gjatë periudhës 2016-2017.
Në lidhje me këtë rast janë kryer hetime për 12 persona të dyshuar për veprat penale të shpërdorimit të detyrës dhe shkeljes së barazisë së pjesmarrësve në tendera.
Tenderat në fjalë janë:
1.Mirëmbajtja dhe mbikëqyrja e sistemit ICMIS në 7 Gjykatat Administrative
2. Përmirësimi i sistemit të mbikëqyrjes elektronike në fushën penale
3.Përmirësimi, Zhvillimi dhe Mirëmbajtja e Regjistrit Noterial Shqiptar
4.Sistemi i Monitorimit me kamera për burgun e Lezhës dhe Fushë-Krujës
5.Përmirësimi dhe mirëmbajtja e sistemit elektronik të çështjeve të përmbarimit
Shkeljet janë evidentuar fillimisht nga grupi i inspektimit të Ministrisë së Drejtësisë, e më pas dhe nga grupi i inspektimit të Ministrisë së Financave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
