Një shqiptar, i cili rezultonte në kërkim, është kapur në Itali. Elis Doçi është vënë në pranga nga Guardia di Finanza e Pistoias, pasi këta të fundit zbuluan se ndaj tij ishte lëshuar një mandate arresti për një atentat me dinamit, që kishte pasuar me një sherr mes dy familjeve, posedim droge dhe armësh, të gjitha këto shkelje të kryera në Shqipëri.
Ai jetonte i qetë në Itali, deri pak muaj më parë, kur u kap vëllai i tij, Vinçens Doçi, dhe tre të tjerë.
Por pavarësisht kapjes së tij, Elis Doçi është sërish i lirë, shkruajnë mediat italiane. Gjykata e Apelit e Firenzes ka vendosur që në pritje të kërkesës për esktradim, Doçi do të jetë në gjendje të lirë, çka i jep mundësi të zhduket sërish.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
