OpenAI njoftoi të mërkurën rikthimin e Sam Altman si CEO i kompanisë. Marrëveshja parashikon që CEO do të mbështetet nga një bord i ri i përbërë fillimisht nga Bret Taylor, Larry Summers dhe Adam D’Angelo.
“Mezi pres të kthehem në OpenAI,” tha Sam Altman në një postim në platformën X.
Të hënën, qindra punonjës, duke përfshirë bashkëthemeluesin dhe anëtarin e bordit, Ilya Sutskever, nënshkruan një letër duke thënë se, nëse bordi nuk jep dorëheqjen dhe nuk e kthen Altmanin, shumica dërrmuese do të shkojë për të punuar me të në Microsoft.
Satya Nadella, CEO i Microsoft, tha në një postim X të hënën se Altman dhe bashkëthemeluesi i tij Greg Brockman do të bashkohen me Microsoft për të formuar një laborator të ri të AI.
Kjo pasoi një njoftim të dielën vonë se OpenAI kishte punësuar ish-CEO të Twitch, Emmett Shear si zëvendësuesin e përkohshëm të Altman.
Fillimisht, bordi tha se shefja e teknologjisë së OpenAI, Mira Murati do ta merrte atë rol, por ajo shpejt iu bashkua punonjësve që bënin thirrje për kthimin e Altman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
