Politico: Perëndimi mund të kalojë “Rubikonin” për raketat me rreze të gjatë veprimi. Putini kërcënon me luftë

Britania dhe Shtetet e Bashkuara mund të kalojnë “Rubikonin” sa i takon luftës në Ukrainë në Samitin e sotëm në Shtëpinë e Bardhë, ku Kievi mund të marrë dritën e gjelbër që të godasë objektivat brenda Rusisë me raketa të furnizuara nga Perëndimi.

Sipas Politico, marrëveshja mund të konfirmohet para Asamblesë së Përgjithshme të Kombeve të Bashkuara këtë muaj, kur liderët botërorë duke përfshirë Biden dhe Starmer do të mblidhen në Nju-Jork.

Sipas ekspertëve ushtarakë, dhënia e OK-it për përdorimin e raketave britanike gjithashtu mund t'u hapë rrugën ukrainasve për të lëshuar Atacms, sistemin taktik të raketave balistike amerikane.

Vladimir Putin paralajmëroi të enjten në mbrëmje se do ta konsideronte një marrëveshje të tillë si të barabartë me hyrjen direkte të NATO-s në luftë. "Kjo do të thotë se vendet e NATO-s, Shtetet e Bashkuara dhe vendet evropiane po luftojnë Rusinë," tha ai.

"Rusia filloi këtë konflikt," u përgjigj Starmer, duke folur me gazetarët. “Rusia pushtoi ilegalisht Ukrainën. Rusia mund ta përfundojë këtë konflikt menjëherë”, shtoi ai.

Zëdhënësi i Kremlinit Dmitry Peskov sugjeroi se takimi midis Starmer dhe Biden ishte thjesht një formalitet dhe se një marrëveshje ishte bërë tashmë.

 Aleatët amerikanë të Ukrainës kanë rezistuar prej kohësh për t’i dhënë presidentit ukrainas Volodymyr Zelenskyy dritën jeshile për të përdorur balistikat e tyre me rreze të gjatë kundër forcave të Kremlinit brenda Rusisë, nga frika se Moska mund të përshkallëzojë luftën duke u kundërpërgjigjur ndaj një objektivi brenda NATO-s, siç është qendra kritike e furnizimit me armë. në qytetin polak të Rzeszów.

Dinamika tani ka ndryshuar në mënyrë dramatike, pas një dërgese të madhe të raketave iraniane në Rusi, që autoritetet britanike mendojnë se do t'i ofrojnë një fuqi kritike Putinit, ndërsa ushtria e tij shtrin kontrollin e saj në Ukrainën lindore me përparime në qytetin strategjik.