Primaret, Vokshi nxjerr rezultatet për Tiranën: Më 11 dhjetor, Këlliçi dhe Alimehmeti në balotazh

Kryetarja e Komisionit të Organizimit dhe Kontrollit të Operacioneve Elektorale, Albana Vokshi, prezantoi ditën e sotme rezultatin e procesit të Primareve për Tiranën.

Ajo bëri të ditur se numërimi ka filluar pak me vonesë, sepse është pritur që të gjithë kutitë e 16 degëve të Tiranës, të mbërrinin dhe të merreshin me procesverbal.

Numërimi është bërë në 6 tavolina, në secilën tavolinë kanë qenë numërues, kryetarët dhe disa sekretarë të degëve, për të ruajtur një standart.

Në secilën tavolinë ka patur mundësi që secili nga shtatë kandidatët ka patur të përcaktuar nga një vëzhgues, për të parë se numërimi bëhej ashtu siç duhej, dhe nëse kishte ankesa, ato adresoheshin menjëherë të Komisioni Qendror i numërimit i cili kryesohej sikurse jeni informuar, nga sekretari i PD për çështje zgjedhore, Z.Ivi Kaso. Anëtarë ishin z.Çlirim Gjata dhe Arben Ristani.

Është kryer numërimi në prani të mediave, ku një pjesë prej jush kanë qenë të pranishme. Është numëruar livë në rrjetet sociale të PD, z.Sali Berisha, pra edhe në shumë rrjete të tjera sociale.

Ka qenë procesi më transparent. Komisioni qendror i numërimit në procesverbalin për Komisionin e Organizmit dhe Kontrollit të Operacioneve Elektorale, bën me dije se numri total i votuesve që kanë votuar në Tiranë është 8470, vota të vlefshme kanë qenë 8441 dhe të pavlefshme 29.

Numri i votave sipas kandidatëve, ashtu sikurse ishin në listën e votimit

Adriana Kalaja 128 vota

Belind Këlliçi 4040 vota

Enkelejda Fejzo 66 vota

Fatmir Merkoçi 35 vota

Gerti Bogdani 1819 vota

Ilir Alimehmeti 2996 vota

Julian Deda 157 vota

Vokshi deklaroi se nga përllogaritja rezulton që asnjëri prej 7 kandidatëve nuk ka marr 50 plus 1 përqind të votave dhe kjo e çon garën në një balotazh midis Belind Këlliçit me 4040 vota dhe Ilir Alimehmeti me që ka 2196 vota.

Balotazhi me vendim të Kryesisë është përcaktuar për një javë, pra me datë 11 dhjetor. Për çdo informacion tjetër ju informojmë që KOKOE do të vazhdojë të jetë e mbledhur gjatë gjithë ditës.

Dhe në ditët në vijim ju njoftojmë që kanë mbërritur tashmë pjesa më e madhe e kutive të votimit, nga qendrat e votimit pothuajse në të gjitha degët. Priten pak kuti vot8imi nga degët e largëta.

Ju informojmë që procesverbalet në formë elektronike kanë mbërritur pranë Komisionit të Organizimit dhe Kontrollit të Operacioneve Elektorale.

Gjithashtu, si procedurë e komisionit është verifikimi I këtyre procesverbaleve dhe verifikimi i materialeve zgjedhore në kutitë e votimit.

Menjëherë, sapo të kemi të materialeve zgjedhore dhe të procesverbaleve origjinale, do t’ju informojmë përgjatë gjithë ditës së sotme për të gjitha rezultatet e votimit dhe fituesit e garës, apo degët që kanë kaluar na balotazh.