Franca do të vendosë teste COVID-19 të marra brenda 24 orëve nga nisja për personat e pa vaksinuar të cilët udhëtojnë nga Mbretëria e Bashkuar, Spanja, Portugalia, Qipro, Greqia dhe Holanda.
Lajmi është bërë i ditur sot nga zyra e kryeministrit.
Deri më tani testet duhej të kryheshin brenda 48 orëve nga nisja për personat që udhëtonin nga Mbretëria e Bashkuar dhe 72 orë për vendet e tjera. Por për shkak të rritjes së numrit të të infektuarve masat kanë ndryshuar dhe do të hyjnë në fuqi nga mesnata e së Dielës.
Shqetësimet në rritje për variantin Delta, i cili përhapet shpejt kanë bërë Francën të shtrëngojë masat, pasi Europa po përjeton një valë të re infektimesh.
Vetëm një ditë më parë Mbretëria e Bashkuar regjistroi më shumë se 51,000 të infektuar të rinj, numri më i lartë ditor që nga 15 Janari.
Sipas autoriteteve shëndetësore, 99% e rasteve të reja janë nga varianti Delta, i cili u zbulua për herë të parë në Indi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
