Një panair që mban emrin “Syn+Ergasia” do të mbahet më 23 dhe 24 shkurt në Pallatin e Kongreseve, ku do të adresohen çështja e punësimit dhe ndërtimit të karrierës.
Në panair do të diskutohet për papunësinë e lartë në Shqipëri, “hemorragjitë” e personelit të kualifikuar të vendit si dhe “ikjen e trurit” nga Shqipëria.
Në eventin që mund të cilësohet një “Festival i Karrierës” po ashtu do të ofrohen mundësi punësimi, do të preken raporti punëdhënës-punëkërkues, si dhe do të ketë diskutime për punët e ardhshme në teknologji, ku nuk do të mungojnë workshop-et e seminaret, si dhe prezantimi i historive të suksesit.
Panairi sjell në qendër të vëmendjes bizneset greke apo të lidhura me Greqinë që operojnë në Shqipëri dhe vlerën ekonomike që krijojnë. Sipas statistikave zyrtare, INSTAT, për vitin 2020, Greqia renditet e 3-ta për sa i përket numrit total të subjekteve të huaja që operojnë në Shqipëri. Në nismë bëhen bashkë Ambasada e Greqisë në Tiranë, Bashkia e Tiranës dhe Shoqata Greke e Biznesit në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
