Policia e Shtetit po zhvillon në mesditën e sotme operacionin e koduar “Blici rrugor”, të shtrirë në 12 qarqet e vendit, në akset kryesore dhe zonat urbane. Operacioni sapo ka nisur dhe do të zgjasë deri në orën 14:30.
Policia e Qarkullimit Rrugor është mbështetur nga Policia e Rendit dhe Shqiponjat. Sot janë angazhuar rreth 850 punonjës policie në total. Janë ngritur dhe po funksionojnë 160 pika kontrolli në të gjithë vendin. Aksioni synon goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mosvendosjen e rripit të sigurimit.
Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit, por edhe të respektimit të rregullave të qarkullimit rrugor në tërësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
