Në degën e Kukësit, njëri prej kandidatëve që aspironte të merrte drejtimin e PD-së është tërhequr nga gara vetëm pak orë më parë. Irel Elezi thotë se e konsideron të manipuluar procesin e zgjedhjes së kryetarit të ri. Sipas tij, zgjedhjet për kreun e degës po zhvillohen në mungesë të plotë transparence. Kjo sepse, sipas tij, në listat e anëtarësisë figurojnë të paktën 200 emra të rinj të shtuar krejt papritur.
Grupi i Rithemelimit ka dërguar një kandidat që ka shkelur rregulla. Ai më 11 prill është regjistruar për të qenë pjesë e garës. Tërheqja e më shumë se 5 të interesuarve të tjerë për të qenë pjesë e garës, unë kam pranuar të vazhdoj.
Kam konstatuar se ka pasur numër të lartë emrash të rinj delegatësh në listë. Ishin mbi 200 emra anëtarësh të rinj. U kam kërkuar regjistrin e anëtarësisë së degës. Janë shmangur dhe kanë refuzuar. U kam kërkuar që të më vënë në dispozicion regjistrin por duke qenë se nuk e zhvillojnë një garë reale, jam tërhequr nga gara duke e konsideruar të manipuluar.
E kanë pranuar kandidatin tjetër si pjesë e garës, edhe pse në shkelje. Ky proces nuk është transparent. për mua është njësoj si të firmos humbjen. Nuk më dhanë listën e anëtarësisë së degës. Nuk e di se kush është i deleguari i Komisionit të Rithemelimit për Kukësin. Ne na është prezantuar si delegat kandidati që ishte në garë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
