Në komunikimin javor, kryeministri Rama e vuri theksin te infrastruktura. Pas qëndrimit dyditor të kabinetit të tij në Dibër, Rama tha se përmirësimi i infrastrukturës rrugore në zonat e thella do të nxisë turizmin malor.
“Duam të nxisim jo vetëm turizmin në bregdet, por edhe turizmin malor. Do të çojmë rrugë në zonat malore si Thethi, Kurveleshi, Lura etj. Gjatë dy ditëve të punës në Dibër jemi ulur me kryebashkiakët pa dallime partikae. Kemi folur për hallet e njerëzve, infrastrukturën dhe reformën e domosdoshme të ujit, shërbimet arsimore, shëndetësore dhe sociale. Shqipëria që duam është një mundësi që e kemi ne në dorë. Këtë mundësi do ta kthejmë në realitet me punë, këmbëngulje dhe durim të gjithë së bashku”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
