Policia e Tiranës ka arrestuar një person tjetër për operacionin e zhvilluar pak ditë më parë në Tiranë, lidhur me udhëtimet në Gjermani.
Burimet zyrtare njoftuan se sot është bërë arrestimi i shtetasit O. Gj., 18 vjeç. Sipas bluve të Tiranës, i riu në bashkëpunim me shtetasit e tjerë të arrestuar, duke përfituar nga situata e pandemisë “COVID-19”, nëpërmjet kamuflimit, për t’u mundësuar udhëtarëve të ndryshëm vajtjen në vendet e BE-së, kryesisht në Gjermani.
Të arrestuarit kishin ngritur një skemë mashtruese ku kanë përfituar shumën 600 euro për person, duke shmangur detyrimet tatimore, si dhe kanë falsifikuar formularë të testit ‘’COVID-19’’ dhe garanci të destinacionit të vendit pritës.
Ndërkohë mësohet se po vijon puna për arrestimin e personave të tjerë të përfshirë në këtë aktivitet të kundërligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
