Policia italiane ka arrestuar një 26-vjeçar shqiptar, me precedentë të mëparshëm, pasi akuzohet për përndjekje.
Mario Kertusha u ndalua të shtunën mbrëma, në periferi të Vicenza-s, ndërsa më herët gjatë asaj dite, nuk i është bindur një urdhri të policisë për të ndaluar, teksa lëvizte me një “Fiat 600” të verdhë.
Kertusha u vu në pranga, sepse pasditen e së premtes, ndaj tij u lëshua një urdhër-arresti për përndjekje, pas denoncimit të bërë nga ish partnerja e shqiptarit.
Edhe pse ishin ndarë Kertusha ka vijuar ta ndjekë vajzën, duke i ka dërguar mesazhe në të cilat e kërcënonte me vdekje: “Do të vras, do të djeg”.
Pas këtyre mesazheve, vajza shkoi në polici për të bërë denoncimin, që pasoi me arrestimin e shqiptarit.
Sipas mediave të shtetit fqinj, ajo ka thënë në polici se, e ka njohur Kertushën natën e Vitit të Ri 2016. Ata kaluan një lidhje të shkurtër romantike, e karakterizuar shpejt nga sjellje të dhunshme të shqiptarit.
Vitin e shkuar, në një rast, ai e goditi dhunshëm vajzën, aq sa 26-vjeçarja u detyrua të mjekohej në spital, po nuk gjeti kurajën për ta denoncuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
