Presidenti i Republikës Ilir Meta do të dalë sërish sot në konferencë për shtyp. Presidenca njoftoi se konferenca do të mbahet në orën 17:00. Kjo dalje e Metës, përkon me seancën plenare ku do të diskutohet anulimi i dekretit të zgjedhjeve të 30 qershorit por edhe shkarkimi i tij.
Mbetet për t’u parë se ç’do thotë kreu i shtetit këtë pasdite, ndërkohë që dje pati një takim me partitë e qendrës së djathtë ku u fol edhe për një datë tjetër zgjedhjesh.
Kjo është hera e tretë brenda javës që kreu i shtetit detyrohet të dalë në konferencë shtypi për të argumentuar arsyet që e shtynë në anulimin e zgjedhjeve vendore në 30 qershor dhe organizimin e tyre në një datë tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
