Pavarësisht se aktivitetin si biznesmen e ka të përqendruar në Itali, ish-deputetit Eduart Ndocaj duket se i ka pëlqyer politika në Shqipëri. Pasi nuk mundi të siguronte një karrige në Parlament, ish-deputeti kaubojs zbulon ambicien e radhës.
I ftuar në Ora News, Ndocaj tha se ia ka vënë syrin Bashkisë së Lezhës.
“E kam menduar të bëhem kryetari i Bashkisë së Lezhës. E kam në plan, absolutisht. E kam dëshirë që të kandidoj dhe të fitoj. Qytetarët kanë nevojë për një kryetar bashkie që nuk e merr atë karrike vetëm për shitur një tender apo për të shitur një tokë, apo për të marrë përqindje.”
Ndocaj është shprehur se ka qenë dhe është kandidati më i përshatshëm për qarkun e Lezhës.
“Isha kandidati më i përshatshëm dhe vazhdoj që të jem sepse nuk ka asnjë person gjithë këto vite që mund ta ketë përfaqësuar më mirë sesa e kam përfaqësuar në këto dy vite unë”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
