Në kërkim prej dy dekadash dhe autor i të paktën 200 vrasjeve, i ashtuquajturi “Vampiri” është ekzekutuar nga policia në Nigeri. 36-vjeçari Henry Chibueze është vrarë gjatë një aksioni të policisë, duke i dhënë fund ndjekjes 25-vjeçare. Kreu i bandës kriminale ishte fshehur në jug të vendit, ku është vrarë pasi ka shkëmbyer zjarr me policinë. Mbi të rëndon autorësia e të paktën 200 vrasjeve, mes të cilave edhe ajo e një ish-të dashure, të cilën e ekzekutoi në shtëpinë e saj së bashku me 6 fëmijë. Ndërsa vjedhjet e grabitjet e kryera nga banda e tij janë të panumërta.
Pas vrasjes, policia e ka shëtitur trupin e tij të mbështjellë në çarçaf nëpër rrugë, si një trofe para qindar njerëzve që janë mbledhur për të parë fundin e një prej bandave më të rrezikshme të vendit.
“Shikoje veten tani. Do të digjesh në ferr”, ishin thirrjet e shumë prej njerëzve të mbledhur në rrugë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
