Politikania gjermane socialdemokrate Franziska Giffey, aktualisht senatore me përgjegjësi për ekonominë në administratën e Berlinit, u sulmua nga një agresor i panjohur dhe përfundoi në spital me plagë në kokë.
Lajmi u konfirmua nga policia, e cila tha se ish-kryebashkiakja e kryeqytetit, e cila ka punuar edhe si ministre i Familjes së bashku me Angela Merkel, u sulmua të martën në lagjen Neukoelln.
46-vjeçarja u godit nga pas nga një burrë, i cili përdori një çantë me një objekt të fortë dhe e goditi në kokë dhe qafë. Menjëherë më pas sulmuesi u largua me vrap.
Giffey u dërgua në spital për mjekim, ndërsa për këtë çështje kanë nisur hetimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
