Në mbledhjen e djeshme në selinë e Partisë Demokratike, ku Basha njohu grupin e kryesinë me vendimin për arritjen e marrëveshjes me Edi Ramën nuk mund të mos bëjnë përshtypje Majlinda Bregu dhe Astrit Patozi.
Ndërsa dikur i shihnim në krah të kryetarit në tryezat e grupit parlamentar, dy zërat kritik brenda grupit shfaqen në cep në këtë mbledhje.
Siç shihet edhe në këto foto, Majlinda Bregu e Astrit Patozi janë ulur në fund të sallës, mbështetur në një stol tek muri, ndërsa Albina Deda, Ervin Salianji e demokratë të tjerë të rinj janë ulur në mes të tryezës duke i zënë vendin veteranëve.
Ndoshta gjithçka është rastësi, por në foto shihet edhe Dashamir Shehi që duket sikur habitet me pozicionin që kanë dy deputetët, ndërsa Bregu i kthehet me një të qeshur.
Si Bregu ashtu edhe Patozi kanë qënë ndër zërat më kritikë brenda PD-së. Ata kanë kundërshtuar bojkotin e Parlamentit që iu bë për 3 muaj nga PD bashkë me aleatët e vegjël, por ashtu edhe vendimin e PD-së për të bojkotuar zgjedhjet./BW
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
