Serialet televizive në rrezik nga hakerat, kryeson "The Mandalorian"

Mandalorian, Stranger Things, The Witcher, etj., janë seritë televizive më të preferuara për hakerat. Phishing (një mënyrë kontaktime me email që përdorin hakerat) është një nga mënyrat më të zakonshme që përdoret për të vjedhur kredencialet e llogarisë në internet. Kjo u zbulua nga studiuesit nga kompania e sigurisë Kaspersky të cilët analizuan kërcënimet kibernetike në lidhje me pesë platformat kryesore të transmetimit (Hulu, Disney +, Netflix, Apple TV + dhe Amazon Prime Video), në një periudhë që varion nga janari 2019 në 8 Prill 2020

Phishing është një nga mënyrat më të zakonshme që përdoret për të vjedhur kredencialet. Ekzistojnë, për shembull, versione 'false' të faqeve në internet për të hyrë në shërbime të ndryshme që përdoren si kurthe për përdoruesit e pakujdesshëm. Në këtë rast, Netflix është shënjestra më e popullarizuar, studiuesit gjetën faqe false të hyrjes në këtë platformë në katër gjuhë të ndryshme.

Një zakon që lehtëson hakerat është të ndajnë kredencialet e tyre të identifikimit në platformat e transmetimit me të afërmit ose miqtë. Gjithashtu sipas Kaspersky, 38% e italianëve dhe 46% e të gjithë të intervistuarve në të gjithë botën e bëjnë këtë. Sidoqoftë, 17% e italianëve (krahasuar me 32% globalisht) kanë frikë se llogaritë e tyre nuk janë të sigurta sepse nuk kanë informacion të mjaftueshëm për zakonet në internet të shokëve të tyre të dhomës.