Kryeministri grek Kyriakos Mitsotakis shprehu “dhimbjen e thellë” për ndarjen nga jeta të Kryepeshkopit të Tiranës, Durrësit dhe gjithë Shqipërisë Anastas, duke theksuar “kontributin e tij të paçmuar për Ortodoksinë”.
Mitsotakis e konsideron kryepeshkopin e ndjerë “një udhëheqës shpirtëror dhe një shërbëtor i palodhur i njerëzimit dhe i të drejtave të njeriut”.
“Ai ishte një mbështetës i fëmijëve afrikanë, një aleat i studentëve grekë që i rezistonin diktaturës dhe natyrisht, një pionier i Kishës në Shqipëri”, shprehet kreu i qeverisë greke.
“Kam pasur privilegjin të takohem dhe të bashkëpunoj me këtë hierark, i cili ndërthuri dinamizmin e besimit me hirin natyror, detyrën kombëtare me altruizmin. Ai ishte një urë mirëkuptimi midis dy kombeve, cilësi këto që na e bëjnë më të madhe zinë, por e bëjnë edhe më me vlerë trashëgiminë e tij”, shprehet Mitsotakis.
“I përjetshëm qoftë kujtimi i tij”, mbyll mesazhin e tij të ngushëllimit Mitsotakis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
