Një gjykatë portugeze urdhëroi të Premten ish-Kryeministrin José Sócrates të dalë në gjyq për akuzën pastrim parash dhe falsifikim dokumentesh.
Prokuroria akuzoi Socrate në tetor të 2017-ës për 31 krime që kishin të bënin me korrupsionin pasiv. Dyshimi i hetuesve është që politikani ka përfituar 34 milion euro në këmbim të ndereve që i ka bërë tre grupeve industriale në periudhën 2005-2011.
Ky gjyq vendos në një pozitë jo të mirë kryeministrin aktual Antonio Costa, i cili në qeveritë e drejtuara nga Socrate ka qenë ministër dhe ka marrë në dorë drejtimin e partisë menjëherë pas skandalit dhe arrestimit të ish kreut të qeverisë, shkruan Politico.
Socrate e ka cilësuar këtë si një fushatë shpifjeje ndaj tij për arsye politike.
Ish-politikani pranoi se merrte rregullisht borxhe nga një biznesmen, shok fëmijërie, por ky i fundit, sipas akuzës, thjesht i jepte emrin e tij Socrate, në mënyrë që ish-kryeministri të mos rezultonte me pasurinë që kishte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
