Moska dhe Ankaraja kanë nënshkruar të shtunën dy marrëveshje, për t’i dhënë fund procesit të arbitrazhit ndërmjet kompanisë shtetërore ruse të energjisë Gazprom dhe firmës turke të hidrokabureve, BOTAS, si dhe për ndërtimin e linjës së dytë të gazsjellësit të cilësuar si “Rryma Turke”. “Në projektin e gazsjellësit ‘Rryma Turke’, një protokoll është firmosur me autoritete të qeverisë turke për ndërtimin e pjesës tokësore të linjës, e cila do të shtrihet në Evropë”, thuhet në një komunikatë të Gazprom-it, transmeton TV shtetëror rus RT.
Krahas protokollit, një marrëveshje ndërmjet BOTAS-it dhe Gazprom-it është nënshkruar gjithashtu për të përcaktuar kushtet, që do të mundësojnë krijimin e hapave të nevojshme për ndërtimin e pjesës tokësore të linjës së dytë të gazsjellësit. Një prej këtyre hapave është edhe themelimi i shoqërisë anonime “Transporti i Gazit të Rrymës Turke”, një sipërmarrje e përbashkët turko-ruse. Palët kanë firmosur po ashtu dokumentet e nevojshme për zgjidhjen jashtëgjyqësore të procesit të arbitrazhit mbi një mosmarrëveshje në vazhdim mbi çmimin e gazit natyror rus, që BOTAS-i ble nga Gazprom-i për të furnizuar konsumatorët turq.
Sipas kësaj marrëveshjeje, procesi i arbitrazhit do të mbyllet në një të ardhme shumë të afërt. Turqia ka kërkuar prej kohësh një zbritje prej 10.25 për qind që ishte arritur si pjesë e marrëveshjes ndërqeveritare për ndërtimin e tubacionit Turk në vitin 2014, por marrëveshja nuk ishte nënshkruar kurrë. BOTAS paraqiti një çështje për arbitrazh ndërkombëtar në 2016, duke kërkuar një zbritje. Rusia dhe Turqia ranë dakord zyrtarisht për projektin, i cili përbëhet nga dy degë, në tetor të vitit 2016.
Linja e parë do t'i japë gaz konsumatorëve turq, ndërsa e dyta do ta cojë atë në vendet e Evropës jugore dhe jugperëndimore. Linja evropiane pritet të ulë varësinë e Rusisë nga tranziti përmes Ukrainës. Secili nga linjat ka një kapacitet maksimal prej 15.75 miliardë metra kub në vit. Gazprom përfundoi ndërtimin e pjesës së ujërave të thella të vijës së parë të rrymës turke në prill. Gazi i parë rus mund të fillojë të rrjedhë nëpër të dyja këmbët e rrjedhës turke në dhjetor 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
