Hungaria ka vendosur të mbështesë kërkesën e Presidentit Serb Aleksandër Vuçiç për të votuar kundër Aplikimit të Kosovës për anëtarësimin në Bashkimin Evropian, OKB dhe Këshillin e Evropës.
Këtë qëndrim e bëri të ditur vetë ministri I Jashtëm Péter Szijjártó.
Pranimi i parakohshëm i Kosovës nga entitete të ndryshme evropiane mund të rrezikojë pajtimin. Prandaj, nëse votohet se a do të pranohet Kosova si anëtare e Këshillit të Evropës, qeveria jonë do të votojë kundër.
Megjithatë në Beograd nuk mungojnë zërat që kërkojnë njohjen e Kosovës. Politikani opozitar Boban Bodganoviç, në një editorial në shtypin e shkruar i ka bërë thirrje presidentit Vuçiç që të njohë Kosovën pasi sipas tij kjo është e vetmja mënyrë që Serbia të shkojë drejt së ardhmes.
Realiteti i Kosovës është Republika e Kosovës. Dhe kjo duhet t'i thuhet popullit. Sa më parë që pranojmë realitetin, aq më shpejt do të jemi në rrugën e ardhmes.
Bogdanoviç është kryetar i partisë opozitare “Odgovor” dhe është një nder politikanët e pakët serb që e mbështesin Kosovën.
Më 14 dhjetor ai vizitoi Kosovën, ku nënshkroi nismën qytetare “Liri, Drejtësi, Mbijetesë” të ministrisë së Qeverisë së Kosovës, duke u bërë kështu një nga zërat më të fortë në Beograd që i kërkoi presidentit serb Aleksandër Vuçiç të njohë Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
