Me dorëzimin e regjistrave zgjedhorë të zgjedhjeve presidenciale të 28 korrikut në Venezuelë nga Këshilli Kombëtar Zgjedhor, Gjykata e Lartë e Drejtësisë (TSJ) do të vazhdojë me një proces hetimi informacioni që mund të zgjasë deri në 15 ditë.
Gjykata e Lartë do të thërrasë kandidatët për president dhe drejtuesit e partive politike për të regjistruar të gjitha instrumentet zgjedhore që gjenden në zotërim të tyre dhe për t’iu përgjigjur pyetjeve të parashtruara nga ky organ.
Sipas kalendarit të paraqitur nga presidentja e gjykatës, Caryslia Rodriguez, thirrjet do të nisin të mërkurën.
Kandidati kryesor i opozitës, Edmundo Gonzalez, u thirr për nesër, ndërsa presidenti në largim Nicolas Maduro, të cilin Këshilli Kombëtar Zgjedhor e shpalli si fitues në votime, u thirr për të premten.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
