Është zbuluar sot pasdite mozaiku i resturuar i Muzeut Historik Kombëtar. E ndërtuar në vitin 1982, vepra shfaqi nevojën për ndërhyrje, e cila u realizua përmes një projekti të BE për kulturën, me kosto 1 milion euro dhe kohëzgjatje 22 muaj.
Studiuesi i artit, Ylli Drishti, thotë se mozaiku paraqet Shqipërinë në disa kohë.
Është mozaiku më i madh në Shqipëri. Është përuruar njëkohësisht me Muzeun Kombëtar. Autorët kanë bërë një sintezë të historisë së Shqipërisë, duke nisur me ilirët, mesjetën, Luftën e Dytë Botërore dhe pjesën tjetër me figura simbolike. Kjo ka qenë zgjidhje e zgjuar e autorëve. Për shkak të përmasave ka pasur vështirësi që grupi i ka kaluar me sukses. Është një vepër që do t’i rezistojë kohës. Është me ngjyra të gjalla, është një kryevepër e arteve pamore në gjininë e mozaikut.
Sot materialet janë të tjera nga ato të kohës kur u ndërtua. Përderisa me ato të vjetrat i rezistoi kohës 40 vjet, mendoj se edhe për 50 vjet të tjera do ta kemi njësoj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
