Një shqiptar është bërë protagonist i një ngjarjeje të rëndë në Venecia, Itali. 34-vjeçari me inicialet A.H., ka qëlluar me shkop në kokë një shtetas rumun D.D., pasi ky i fundit i kishte ngacmuar të dashurën, një italiane që punonte si bariste.
Ngjarja ka ndodhur në bar “Angel”, ku punonte vajza. Rumuni D.D. e kishte ngacmuar disa herë dhe ajo kishte refuzuar duke i kërkuar ta linte të qetë. Por pas insisitimit të tij, 29-vjeçarja i ka telefonuar të dashurit shqiptar, i cili ka mbërritur menjëherë dhe e ka goditur në kokë me një shkop të rëndë, duke i shkaktuar thyerjen e kafkës.
Pronari i lokalit, një shtetas kinez, ka njoftuar menjëherë policinë. I plagosuri ka shkuar me këmbët e veta në spital, por atje gjendja është rënduar dhe kjo i ka detyruar mjekët ta transferojnë në spitalin e Padovas, ku ndodhet në gjendje të rëndë.
Ndërkohë, shqiptari akuzohet për plagosje të rëndë dhe armëmbajtje pa leje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
