“Italia do të ishte shumë më mirë jashtë Bashkimit Evropian”. Kjo është këshilla e Donald Trump, i cili në një intervistë me radiostacionin britanik LBC, duke folur për Brexit, iu rikthye hipotezës së Italexit-it. Gjatë bisedës me mikun e tij, Nigel Farage, drejtues i euroskeptikëve britanikë, për herë të parë presidenti amerikan u ndal në mundësinë e daljes së Italisë jo vetëm nga euro por edhe nga Bashkimi Evropian, për të cilin ai është një nga shtetet themeluese.
Deklarata e Trump-it vjen në një moment kur qeveria e re “Conte” e ka ripozicionuar veten në fushën e BE-së, duke rifilluar rrugën e një dialogu më të ngushtë dhe bashkëpunues me Brukselin, që nis duke u nisur nga dosja shumë delikate e manovrës ekonomike.
Duke biseduar me kreun e Partisë Brexit për shtyrjen e afatit të daljes së Britanisë nga BE-ja, Trump shprehu keqardhjen për faktin se pas kaq shumë kohe që nga koha e referendumit, Londra ka mbetur ende në Bashkimin Evropian. Një bllokim që siç duket e ka penguar SHBA-në të nisë një marrëveshje të madhe tregtare me Britaninë e Madhe.
"Ju jeni bllokuar në BE - tha Trump - ashtu si vendet e tjera. Edhe Italia dhe vendet e tjera - shtoi presidenti amerikan - do të ishin shumë më mirë pa Bashkimin Evropian. Por nëse këto vende dëshirojnë të mbeten në BE, nuk ka ndonjë gjë". "Por dije - përfundoi ai - që në Evropë ka njerëz me të cilët është shumë e vështirë të negociosh, ndërsa me mua gjithçka do të ishte më e lehtë: menjëherë do të bënim një marrëveshje të madhe tregtare".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
