SPAK ka vënë nën hetim administratën tatimore dhe zyrtarë publikë e të zgjedhur vendor për dosjen e Bankers.
Në një përgjigje të SPAK thuhet se kjo dosje po hetohet për veprat “Krijimi i skemave mashtruese lidhur me tatimin mbi vlerën e shtuar”, “Fshehja e të ardhurave”, “Pastrimi i produkteve të veprës penale ose veprimtarisë kriminale”, “Shpërdorimi i detyrës”, “Moskryerja e detyrave nga organet tatimore”, “Korrupsion pasiv i zyrtarëve të lartë shtetërorë ose i të zgjedhurve vendorë”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 144/a, 180/3, 181/a, 287, 28, 260, 248, 333/a dhe 334 të Kodit Penal.
Dosja për “Bankers Petroleum” i kaloi SPAK-ut disa javë më parë, pasi Prokuroria e Fierit shpalli moskompetencë. Anita Jella dhe Enkeleda Millonai janë hetueset e ndarkuara me dosjen.
Në gusht të këtij viti, Gjykata e Apelit vendosi të lërë në burg ish-drejtorin Leonidha Çobo dhe CEO-n aktual, Hongping Xiao, si edhe caktoi masa për të përfshirë të tjerë.
Çështja “Bankers” nisi si dosje në Prokurorinë e Fierit pas një aksioni të ndërmarrë gjatë verës lidhur me mospagimin e taksave dhe evazion fiskal që ka kryer kjo kompani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
