Dy të asfiksuar nga gazi në Tiranë, humbën jetën gjatë natës në shtëpi

<p>Dy persona kanë humbur jetën si pasojë e rrjedhjes së gazit në Tiranë. Ngjarja ka ndodhur në rrugën “Marie Kraja”. Paraprakisht mësohet se shkak është bërë bombula e gazit që përdorej për ngrohje.</p> <p>Pronari i një banese së bashku me një të afërmin e vet kanë shkuar për të bërë riparime në banesë dhe kanë qëndruar aty gjatë natës.</p> <p>Si pasojë e rrjedhjes së gazit gjatë natës, janë asfiksuar të dy. Dy viktimat janë zbuluar nga policia, e cila u vu në lëvizje pas denoncimit të familjarëve. Pronari i banesës mësohet se jetonte në Greqi dhe kishte ardhur në Shqipëri për ta riparuar atë.</p> <p> <a href="https://www.fibank.al/individe/kredi/kredi-konsumatore/kredi-konsumatore-premium" target="_blank" rel="noopener noreferrer"> <img alt="Fibank" width="300" height="100" src="https://www.mcntv.al/sites/default/files/fibank8.gif" loading="lazy"> </a> </p> <p>Tiranë/Informacion paraprak</p> <p>Më datë 19.12.2024, rreth orës 17:20, në rrugën “Marije Kraja”, dyshohet se janë asfiksuar nga rrjedhja e gazit, pronari i banesës, shtetasi A.M, rreth 47 vjeç dhe një afërm i tij i largët shtetasi V.B, rreth 56 vjeç, të cilët kanë humbur jetën sipas konfirmimit të stafit mjekësor.</p> <p>Grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë ligjor të ngjarjes.</p>