Minarja e Et’hem beut në Tiranë ka pësuar një krisje të konsiderueshme mbi bazamentin kuadrat, në pjesën ku fillon pjesa cilindrike.
Nga fotot qartazi shihet krisja e trupit të minares, për shkaqet e së cilës nuk ka një justifikim nga monitoruesit e punimeve të objektit të xhamisë.
Në kohën kur ende nuk ka një përmbledhje të saktë të punimeve restauratore të kryera te ky monument kulture, tashmë kësaj i shtohet dhe dëmtimi i minares.
Ajo që mund të shihet, është fakti se e gjitha kjo mund të jetë pasojë e punimeve që po kryhen tek zona historike ngjitur me Sahatin e Tiranës dhe xhamisë së Et'hem Beut. Ndertimi i ri pas Sahatit ka katër kate nën tokë dhe për to po punohet me mjete të rënda që besohet se kanë shkaktuar lëkundje të forta tokësore, për pasojë edhe dëmtimin e minares së xhamisë.
Terreni ku po ngrihet një kullë shumëkatëshe është pjesë e zonës historike të Tiranës. Pas prishjes së Teatrit Kombëtar dhe hedhjes së themeleve për kullën e radhës, kjo zonë është tashmë drejt tjetërsimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
