Kabineti i sigurisë së Izraelit miratoi të premten armëpushimin në Gaza dhe marrëveshjen për lirimin e pengjeve. Kabineti më i gjerë do të mblidhet tanimë për votimin e marrëveshjes.
Më herët, zyra e kryeministrit izraelit konfirmoi se është arritur një marrëveshje me Hamasin për lirimin e pengjeve të mbajtur në Gaza. Marrëveshja, që zyrtarët amerikanë presin të hyjë në fuqi të dielën, parashikon një pauzë në luftimet në Gaza dhe do të çojë në lirimin me faza të pengjeve dhe të burgosurve palestinezë.
Agjencitë ndërkombëtare të ndihmës e mirëpritën marrëveshjen. Agjencia e OKB-së për refugjatët palestinezë bëri thirrje për "qasje të shpejtë, të papenguar dhe të pandërprerë humanitare" në Rrip për të lehtësuar vuajtjet e shkaktuara nga lufta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
