Analisti Mentor Nazarko, i ftuar në emisionin "Të Paekspozuarit" në MCN TV, vlerësoi se fushata elektorale për zgjedhjet e 11 majit 2025 ka sjellë dy risi të rëndësishme: përfshirjen në rritje të partive të reja dhe ndërkombëtarizimin e vetë fushatës.
Sipas Nazarkos, edhe pse skena politike dominohet ende nga dy figurat që kanë ndikuar jetën publike prej dekadash, pjesëmarrja e partive të reja është një shenjë inkurajuese për gjallërinë e demokracisë në vend.
Partitë e reja po rriten në mbështetje, po paraqesin oferta programore ndryshe dhe fytyra të reja, që në disa raste sfidojnë retorikën dhe monotoninë e partive tradicionale.
Gjithashtu se një tjetër element i dallueshëm në këtë fushatë është ndërkombëtarizimi i saj.
Përfshirja e konsulentëve të huaj dhe mbështetja e hapur nga faktorë ndërkombëtarë po e bëjnë këtë fushatë më të lidhur me dinamikat globale.
Kemi parë përfshirjen e ekspertëve ndërkombëtarë në fushatat e partive kryesore, si në rastin e PD-së, dhe nga ana tjetër, përdorimin e sloganeve dhe mesazheve që lidhen drejtpërdrejt me BE-në nga PS-ja, duke përfituar nga një lloj mbështetjeje të hapur institucionale apo simbolike.
Këto elemente e bëjnë fushatën e sivjetme më dinamike, por edhe më të ekspozuar ndaj ndikimeve të jashtme dhe të reja në retorikën politike shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
