Papa Françesku gjatë audiencës së tij javore të mërkurën është shprehur se pandemia ka “ekspozuar dhe rënduar” pabarazitë shoqërore. Ai tha se pabarazitë shfaqen në vendin e punës, shkollat dhe programet qeveritare për të adresuar ndikimin ekonomik të pandemisë.
Ai nënvizoi se jo të gjithë mund të punojnë nga shtëpia, shkolla është “ndërprerë papritur” për disa fëmijë, por vazhdon për të tjerët, dhe derisa “disa kombe të fuqishme mund të lëshojnë para për t’u përballur me krizën”, kjo do të nënkuptojë “hipotekimin e së ardhmes për të tjerët”.
Papa tha se, “këto simptoma të pabarazisë zbulojnë një sëmundje sociale, është një virus që vjen nga një ekonomi e sëmurë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
