Pas një dite intensive të sekuestrimit të dokumentacionit në lidhje me aferën korruptive në universitetin “Aleksandër Xhuvani”, Prokuroria lëshon urdhër-ndalimi për të gjithë pedagoget, raporton korrespondentja e MCN TV.
7 pedagoget që gjatë gjithë ditës kanë qenë të shoqëruar në ambientet e policisë tashmë me urdhër-ndalimi të prokurorit janë dërguar në paraburgim.
Prokuroria konfirmon se në materialet e sekuestruara ka gjetur prova të mjaftueshme materiale si para, fletë provimi apo biseda telefonike.
Mësohet gjithashtu se pedagogeve u janë sekuestruar edhe telefonat dhe gjithashtu në pyetje do të merren edhe studentë. Dyshohet se pedagogët kanë marrë para në këmbim të notës në provime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
