Infeksioni më i gjatë SARS-CoV-2 ka zgjatur plot 505 ditë dhe i përket një pacienti me imunitet të kompromentuar, i cili nuk ia doli pavarësisht terapive të cilave iu nënshtrua.
I paraqitur në Lisbonë në kongresin e Shoqatës Evropiane të Mikrobiologjisë Klinike dhe Sëmundjeve Infektive nga ekspertë të King's College London dhe Guy's dhe St Thomas' NHS Foundation Trust, rasti klinik përforcon idenë se variantet e reja të Covid u formuan pikërisht tek këta pacientë që nuk arrijnë të shërohen.
Dhe ky nuk është një rast i izoluar: studimi i paraqitur në Portugali ka ndjekur në fakt 9 prej këtyre pacientëve me Covid shumë të gjatë, me imunitet të dëmtuar nga sëmundje (HIV, tumore, etj.) ose terapi të vazhdueshme (me imunosupresorë).
I kryer nga Luke Blagdon Snell, studimi dokumentoi gjithashtu rastin e parë të infeksionit okult, ai i një pacienti, i cili pasi rezultoi negativ në teste të ndryshme, u bë pozitiv më pas me një variant që nuk qarkullon më, duke dëshmuar faktin se virusi mbeti i fshehur në trup për një kohë të gjatë.
Ekspertët renditën periodikisht virusin në nëntë pacientë dhe verifikuan shfaqjen me kalimin e kohës të mutacioneve të pranishme në variantet e njohura si alfa, delta dhe omicron.
Pesë nga nëntë pacientë mbijetuan. Dy prej tyre e fituan betejën me virusin vetë, dy pasi morën antitrupa monoklonale dhe antivirale, i fundit e ka ende infeksionin prej më shumë se një viti (412 ditë), pavarësisht terapisë me antitrupa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
