Pasuria e biznesmenëve më të pasur të Rusisë është ulur me pothuajse 74.3 miliardë dollarë këtë vit, ku themeluesi i Renova, Viktor Vekselberg i cili kryeson listën e miliarderëve rusë më të prekur ka rënë ndjeshëm, sipas informacioneve të Bloomberg.
Që nga 1 dhjetori, vlera neto e Vekselberg është zhvlerësuar me 10.8 miliardë dollarë në 7.72 miliardë dollarë, tregon Indeksi i Miliarderëve të Bloomberg.
Roman Abramovich, bashkëpronar i prodhuesit rus të çelikut Evraz, ka humbur 9.3 miliardë dollarë dhe tani ai ka një pasuri prej 8.7 miliardë dollarë.
Genadi Timchenko, i cili kontrollon aksione në kompaninë e gazit natyror, Novatek, pa pasurinë e tij të bjerë me 8.48 miliardë dollarë në 13.9 miliardë dollarë, ndërsa pasuria neto e pronarit të shumicës Severstal, Alexey Mordashov u ul me 7.79 miliardë dollarë, në 21 miliardë dollarë.
Ndërkohë, Andrey Guryev, ish-kryetari i bordit drejtues të Phosagro, ka rritur pasurinë e tij me 2.37 miliardë dollarë në 10.3 miliardë dollarë.
Bloomberg siç raporton Tass, ka publikuar Indeksin e Miliarderëve me informacion mbi 500 njerëzit më të pasur të planetit që nga marsi i vitit 2012.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
