Tanket e vjetra Leopard 1 të cilat Perëndimi i furnizon Ukrainës janë në thelb “skrap”, tha Ralf Thiele, kryetar i Shoqërisë Politiko-Ushtarake Gjermane, në një intervistë me SRF.
Duke komentuar dorëzimin e tankeve Leopard 1, eksperti tha se këto mjete janë ende të përdorshme, pavarësisht armaturës së pamjaftueshme dhe saktësisë më të ulët në krahasim me tanket më moderne.
Sipas tij, rikthimi i gatishmërisë së tyre luftarake mund të zgjasë deri në nëntë muaj.
Kjo ndodh për shkak të mungesës së zinxhirëve të prodhimit.
Nuk ka kantiere, nuk ka fuqi punëtore, nuk ka pjesë këmbimi.
Në të njëjtën kohë, ai u përgjigj pozitivisht në pyetjen nëse është e mundur të thuhet me ironi se Perëndimi furnizon me skrap Ukrainën.
Nëse flasim me ironi, atëherë po. Ne kemi pajisje të vjetra që duhet të përdoren në mënyrë korrekte në mënyrë që të jenë të dobishme.
Nëse përdoret gabimisht, pajisjet e vjetra shumë shpejt do të bëhen skrap në Ukrainë.
Thiele shtoi se nëse përdoren gabimisht, edhe pajisjet moderne kthehen në skrap.
Në fund të gushtit, Ministria gjermane e Mbrojtjes njoftoi dërgimin e dhjetë tankeve Leopard 1A5 në Ukrainë.
Leopard 1 është një tank kryesor luftarak i prodhuar në Gjermani nga viti 1965 deri në 1984. Deri në mesin e viteve 1980, ai ishte në shërbim me Bundeswehr-in, si dhe me ushtritë e Holandës, Belgjikës, Norvegjisë, Danimarkës, Australisë dhe Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
