Pas sanksionimit të më shumë se 1600 individëve dhe subjekteve ruse që nga fillimi i luftës në Ukrainë, Mbretëria e Bashkuar ka hequr një emër të vetëm nga lista e zezë. Është ai i miliarderit Oleg Tinkov, gjeniu moskovit i biznesit, i cili prej kohësh ka hyrë në një kurs përplasjeje me Kremlinin dhe tani është i dëbuar nga vendi i tij. Në favor të Tinkovit, kritik i hapur ndaj konfliktit të Ukrainës, kohët e fundit ndër të tjera ishte angazhuar edhe manjati britanik Richard Branson. Dhe tani qeveria konservatore e Rishi Sunak ka vendosur se nuk ka asnjë arsye për të mbajtur ndonjë masë ndëshkuese kundër tij. “Oleg Tinkov nuk i nënshtrohet më ngrirjes së aseteve të tij”, konfirmoi Thesari në një deklaratë sot. Futja e tij në listën e sanksioneve shkaktoi menjëherë diskutime, duke qenë se ai nuk është vetëm një mërgimtar nga Rusia, por që ka hequr dorë edhe nga shtetësia ruse në kundërshtim me politikën e presidentit Vladimir Putin dhe me ndërhyrjen ushtarake në Ukrainë. Branson - i cili e kishte quajtur themeluesin e bankës dixhitale Tinkoff "një biznesmen i respektuar", duke shtuar se ai besonte se ai ishte përfshirë në listën e sanksioneve "gabimisht dhe nuk kishte qenë kurrë një oligark i vërtetë" - tha se ishte i lehtësuar. Rasti i ngjan atij të Mikhail Khodorkovsky-t, një ish-oligark rus i naftës që u bë kundërshtari i Putinit, i cili përfundoi në burg në atdheun e tij dhe më pas u strehua në Mbretërinë e Bashkuar pasi u fal nën mbrojtjen e azilit të autoriteteve të Londrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
