Pesha është e lidhur me rrezikun e Alzheimerit dhe demencës në përgjithësi në një mënyrë të ndryshme tek të dy gjinitë, tregon një studim i ri shkencor gjerman. Gratë mbipeshë janë më pak të rrezikuara, ndërsa meshkujt nën peshë janë më të rrezikuarit.
Studiuesit, të udhëhequr nga profesor Karel Kostev i Departamentit të Epidemiologjisë të IQVIA në Frankfurt, i cili bëri publikimin përkatës në revistën shkencore Journal of Alzheimer’s Disease, analizuan të dhënat për afro 297.000 njerëz me një moshë mesatare 70 vjeç.
Diagnoza e demencës (Alzheimer, demencë vaskulare, etj.) u shoqërua me kategorinë e peshës së çdo personi në bazë të indeksit të masës trupore ( nënpeshë nën 18.5, normale 18.5-25, mbipeshë 25-30 dhe obez mbi 30 ).
Përqindja e nënpeshës në të dy gjinitë ishte 0.9%, normale 25.5%, mbipeshë 41.5% dhe obez 32.1%.
Probabiliteti i demencës brenda dekadës së ardhshme u ul ndjeshëm sipas peshës, nga 11.5% tek femrat nën peshë në 9.1% tek femrat obeze, ndërsa tek meshkujt përqindjet përkatëse ishin nga 12% tek ata nënpeshë, në 8.2% tek meshkujt obezë. Në mënyrë të veçantë për sëmundjen e Alzheimerit, obeziteti u shoqërua negativisht si tek gratë ashtu edhe tek burrat.
Duket se ka një lidhje të fortë pozitive midis nënpeshës dhe demencës tek të moshuarit. Prandaj, dëmtimi njohës duhet të vlerësohet në mënyrë rutinore te meshkujt e moshuar me një indeks të masës trupore nën 18.5.
Nga ana tjetër, pesha e tepërt mund të mbrojë kundër demencës tek gratë e moshuara mbipeshë, pasi një tregues që shtimi modest i peshës në pleqëri mund të jetë mbrojtës njohës.
Megjithatë, studiuesit nënvizojnë se nevojiten studime të mëtejshme për të konfirmuar gjetjet e tyre në mostrat nga vende të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
