Sekretari britanik i emëruar në këtë post për procesin Brexit, David Davis, ka dhënë dorëheqje nga Qeveria Britanike.
Largimi i tij vjen disa ditë pasi vetë kryeministrja britanike, Theresa May, tha se kishte siguruar mbështetjen e kabinetit qeveritar për planin Brexit.
Në letrën dërguar kryeministrës May, Davis ka argumentuar vendimin e tij, duke deklaruar se nuk ndihej personi i duhur që mund të çonte deri në fund procesin.
Të njëjtën gjë, ai i ka komunikuar edhe rrjetit britanik BBC, duke deklaruar madje se as nuk besonte te procesi i daljes së Britanisë nga Bashkimi Europian. Davis tha gjithashtu se bëhej fjalë për një vendim personal, por nga ana tjetër u shpreh se mendon që Britania e ka marrë më lehtë se ç'duhet procesin dhe negociatat me Bashkimin Europian.
"Drejtimi i përgjithshëm i politikave do të na dërgojë neve në një pozicion të pafuqishëm dhe ka mundësi që mund të jetë edhe i pashmangshëm”, është shprehur ai. Në përgjigje të tij, Tereza Mey tha se mendonte të kundërtën, por nuk hezitoi ta falenderonte për kontributin e tij.
"Më vjen që po largohesh nga qeveria jonë, tani që kemi shënuar progres duke çuar përpara procesin e suksseshëm të Brexit-it", i shkruante May Davisit, i cili vazhdimisht ka kritikuar planin e kryeministres për të përfunduar procesin e daljes së Britanisë nga Bashkimi Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
