Seanca e sotme për pronarin e kompanisë “Arbri Garden” Arbër Çekajn, i akuzuar për trafikimin e 613 kg kokainë të ardhur nga Ekuadori, është shtyrë për një arsye të pazakontë.
Shkak për shtyrjen është bërë moshapja e CD-ve të sjella si provë. Burime për TvT thanë se prova nuk është mundur të paraqitet për shkak se prokuroria nuk ka programin e duhur për të hapur CD-të, në të cilat janë regjistruar komunikimet e Arbër Çekajt me Donald Lushën, gjithashtu i pandehur për të njëjtën çështje.
Seanca e sotme në Gjykatën e Posaçme kundër Krimit të Organizuar dhe Korrupsionit do të ndiqej edhe nga përfaqësues të ambasadës amerikane dhe gjermane.
Seanca e radhës do të mbahet më 4 mars, ora 11:00.
“Arbri Garden” dhe pronari i saj Arbër Çekaj lidhen me rastin e 614 kokainë që u gjetën në një kontejner me banane në Portin e Durrësit në vitin 2018. Çekaj, i cili u arrestua, e përdorte emrin e kompanisë së tij të importit të frutave për të fshehur transportin e drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
