Një deklaratë e fortë është bërë këtë të martë në Komisionin Hetimor për Inceneratorët nga përfaqësuesi i Shoqatës së Ndërtuesve, Luigj Aleksi.
Ai denoncoi bashkinë, që sipas tij i detyron pa një akt ligjor që të çojnë dhera në landfille për të mbuluar gropat helmuese të mbushura me mbetje, pasi në të kundërt nuk do të përfitojnë lejet e ndërtimit.
I pyetur nga Jorida Tabaku nëse kemi të bëjmë me presion nga ana e bashkisë, Luigj Aleksi shprehet se ndërtuesve u thuhet që duhet të bëjnë marrëveshje për të paguar taksat.
DISKUTIMET
Aleksi: Në katalogun evropian të mbetjeve që është miratuar me vendimin e komiosionit evropian dhe sipas aneksit 3 të direktivës 2008. Ky aneks parashikon që direktiva përcakton masat për të mbrojtur mjedisin. Në lidhje me menaxhimin e dheut për mbetje, nuk parashikohet asnjë detyrim ligjor, e madje nuk parashikohet asgjë e veçantë. Neni 2 i kësaj derektive shkruan: Përjashtohen nga fushëveprimi i kësaj direktive toka e pa kotanimuar. Ky është fakti. Kjo është esenca e problemit. Në një kohë kur për çdo metër kub dhe që çojmë në landfill e konsiderojmë mbetje. Ky dhe është mall, është vlerë dhe duhet t’i japim pronarit të landfillit edhe një taksë. Dheu që çojmë në landfill është lëndë e parë, e pasuron atë. Qysh në 2018 që doli ky problem, i kërkuam bashkisë takim, kemi marë një përgjigje që nuk është përgjigje. Bënin të paditurin. Ata na detyrojnë të bëjnë marrëveshje me landfillin. Ne kemi qenë bashkë me Dhomën e Tregtisë. Është bërë takim në bashki dhe po kjo treshe i ka shkuar ministrit Klosi, Gjiknuri dhe Qatos, ministre shteti për mbrojtje. Kjo situatë nuk është rregulluar akoma.
Tabaku: Duke u përpjekur se cili është akti i bashkisë që na detyron për të shkuar atje se kuptoj?
Aleksi: S’na jep lejen e ndërtimit. Na thonë shkoni e bëni këtë punë.
Tabaku: Bashkia ju bën presion?
Aleksi: Nuk është presion. Na thuhet që do të bëjmë marrëveshje për të paguar taksat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
