Asambleja e Partisë Socialiste ka mbledhur 150 firma për shkarkimin e ish-deputetit Koço Kokëdhima nga detyra e Sekretarit për Reformën Strukturore dhe Emigracionin.
Kjo kërkesë motivohet me retorikën përçarëse dhe aktivitetin vetjak të shkëputur nga kuadri i veprimtarisë së partisë. Vetë Kokëdhima tha se do të jetë i pranishëm në mbledhje, ku do të mbajë një fjalim lidhur me këtë çështje.
“Nuk jam njohur me këtë kërkesë. Kam bërë mungesa, nuk kam shkuar në mbledhjet e PS-së. Do të flas në asamble, do të shpjegoj aktivitetin tim. Do të flas atje. Shkarkimi im nga sekretar është një kërkesë, por nuk ka lidhje me përjashtimin nga partia”, tha Kokëdhima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
