Kisha e Shëlbuemit në Selitë të Mirditës, e cila është ndërtuar rreth viteve 1830 është rikthyer në identitet dhe pritet të hapë dyert për besimtarët e krishterë pikërisht në ditën e festës së Shëlbuemit në 13 maj.
Shteti Shqiptar dhe Bashkia Mirditë prej 7 dekadash e kishin lënë në harrësë këtë objekt kulti me vlera të rralla historike të trashëgimisë kulturore, teksa pas shëmbjes nga regjimi komunist, kishës i kishin mbetur themelet dhe pak mure anësore.
Kjo nuk I pengoi banorët e fshatrave të Selitës që edhe përgjatë diktaturës të shkonin në kishë për të kryer ritet fetare si të parët e tyre, teksa pas demokracisë u rikthyen ritualet fetare, tashmë në liri.
Në një kohë kur shteti dhe institucionet heshtën për vite me radhë, për të rikthyer këtë objekt kulti në identitet mendoi familja e Nikoll Bushkolës, I cili së bashku me djalin e tij Agustinin dhe vellezërit e tjerë vendosën që me një pjesë të kursimeve të fituara në emigracion të rindërtonin këtë kishë.
Punëtorët që morën përsipër ndërtimin e kishës veç banorëve të zonës, janë edhe banorë të besimit mysliman të Dibrës e Matit, të njohur për bashkëjetesën në harmoni me vellezërit e tyre mirditorë dhe mjeshtra të punimit të gurit.
Në foto duket objekti I rindërtuar që tashmë do hapë dyert për besimtarët katolikë nga mbarë Mirdita e Shqipëria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
