Mbi 150 persona mbetën të plagosur, dhjetëra me djegie të rënda, nga shpërthimi i një magazine me fishekzjarre në tempullin Kasaragod në shtetin indian të Kerala.
Ngjarja e rëndë ndodhi gjatë një rituali nate, ku po merrnin pjesë mijëra besimtarë.
Shpërthimet e shkaktuara nga rënia e disa shkëndijave në magazinë e cila ndodhej pak metra larg rrethimit ku festohej riti, e shndërruan zonën në një vatër masive zjarri, duke krijuar panik tek besimtarët.
Shumë prej tyre u plagosën nga përplasja ndërsa përpiqeshin të arratiseshin.
Autoritetet bëjnë të ditur se kanë ndaluar përgjegjësit e tempullit, të cilët nuk kishin autorizim për të përdorur fishekzjarrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
