Në Magadaskar nga 22 deri më 26 nëntor mbahet samiti ndërkombëtar i Organizatës së Frankofonisë.
Në këtë samit pritet të marrë pjesë edhe presidenti i Kosovës, Hashim Thaçi si dhe përfaqësues vendesh të tjera, ndër ta edhe Ivica Daçiç, ministër i Jashtëm i Serbisë. Po ashtu është paralajmëruar pjesëmarrja e presidentit të Francës, François Hollande, transmeton Koha.net.
Mediet e Beogradit kanë paralajmëruar se Ivica Daçiç do të bëjë përpjekje për të penguar njohje të reja të Kosovës, për çka sipas tyre udhëton atje edhe presidenti i Kosovës, Hashim Thaçi. Në këtë samit marrin pjesë 80 delegacione vendesh anëtare dhe vëzhguese të botës, ose një të tretën e vendeve anëtare të OKB-së. Ato po ashtu përdorin frëngjishten si gjuhë të vendit, zyrtare ose në komunikim ndërkombëtar.
Madagaskari, mikpritës i samitit, ende nuk e ka njohur pavarësinë e Kosovës.
Serbia përfaqësohet në këtë organizatë si vëzhguese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
