Kryeministri britanik Boris Johnson premton se Londra do të largohet nga Bashkimi Europian ashtu "siç do të bënte Hulk", superheroi i gjelbër i Marvel me forcë të pakontrollueshme, ndërsa rithekson se janë bërë "përparime të mëdha" në bisedimet midis Mbretërisë së Bashkuar dhe BE-së.
Në një intervistë për “Mail” në prag të takimeve të tij me Presidentin e Komisionit Europian Jean-Claude Juncker dhe kryenegociatorin e BE-së Michel Barnier, kryeministri tha se ai ishte "shumë i sigurt" për arritjen e një marrëveshjeje ”divorci” në samitin evropian më 17 tetor, në kohë për datën e caktuar të Brexit-it, 31 tetor.
Në intervistë ai e krahasoi Britaninë e Madhe me Hulkun: "Sa më shumë zemërohet, aq më shumë Hulk bëhet i fortë. Dhe ai gjithmonë arrin të shpëtojë, pavarësisht sa i burgosur duket. E njëjta gjë vlen edhe për këtë vend", shpjegoi ai. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
