Partia Socialiste nuk mban asnjë përgjegjësi për Armando Prengën në Kuvend pasi ky deputet është përjashtuar nga kjo parti. Kjo është deklarata e deputetit socialist, Alfred Peza i cili reagoi pas akuzave të opozitës për mazhorancën lidhur me kthimin në Kuvend të deputetit të akuzuar për plagosje me armë zjarri.
Peza tha se PS nuk priti as Prokurorinë, as Gjykatën për ta përjashtuar deputetin ndërkohë që Partia Demokratike të ndaluarit dhe të dënuarit e radhëve të saj për korrupsion i ka shpallur të persekutuar politikë.
Në emër të PS-së, Peza, theksoi se është opozita ajo që po pengon reformën në drejtësi e cila do të bëntë të mundur edhe largimin nga kuvendi të deputetëve me të shkuar kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
